Plantun de Prouvènço

Pèr coumpara dos planto d'encò nostre

Glechoma hederacea & Campanula rotundifolia subsp. macrorhiza

Roundoto

Glechoma hederacea

Lamiaceae Labiaceae

Àutri noum : Chamecisso, Terreto, Courrejo-de-sant, Roundeto, Camecisso.

Noms en français : Lierre terrestre, Courroie de saint Jean.

Descripcioun :
La roundoto o chamecisso s'atrobo majamen dins li valado de nòsti mountagno qu'amo pas gaire lou relarg mieterran. Se recounèis à si fueio en cor quàsi roundo, si flour bluio pèr dos o tres.

Usanço :
Es uno planto di proun vertuouso qu'es emplegado desèmpièi li Grè e visto coume uno panacèio à l'age-mejan. Se counèis forço prouprieta e d'en proumié aquelo de faire pissa. Mai peréu d'ajuda à digeri e à toussi, de sarra li car, contro l'enflamacioun e peréu pèr li moureno. La poudès manja, mai èi recoumanda de n'en pas prendre de trop.

Port : Erbo
Taio : 10 à 30 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Glechoma
Famiho : Lamiaceae
Famiho classico : Labiaceae

Ordre : Lamiales

Coulour de la flour : Bluio
Petalo : irreguliero
Ø (o loungour) flour : 0,7 à 2 cm
Flourido : Printèms

Sòu : Ca
Autour basso e auto : 0 à 1600 m
Aparado : Noun
Mars à jun

Liò : Ermas - Ribiero - Baragno
Estànci : Subremediterran à Mountagnard
Couroulougi : Bourealo
Ref. sc. : Glechoma hederacea L., 1753

Campaneto(-di-fueio-redouno)

Campanula rotundifolia subsp. macrorhiza

Campanulaceae

Autre noum : Campanello(-di-fueio-redouno).

Nom en français : Campanule à grosses racines.

Descripcioun :
Aquesto campaneto èi coumuno en basso Prouvènço. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. macrorhiza, que trachis tipicamen dins li pertus de paret e roucas, a uno racino mai espesso que la subsp. rotundifolia.

Usanço :
Es uno planto manjadisso. La racino sèmblo apasima li doulour.